Anthology of Aklanon Poems, 2013

Introduction

In 2011, Matimgas nga Paeanoblion was published. it showcase the poems which I believed, and still is, captured the hearts and souls of Aklanons. Of course, that anthology also showed the best works of Aklanon poets.

This volume will see the feelings and the reactions of Aklanons on the many issues that affect the present Aklanons and the world.

Mga Tula sa Pagbugtaw it Adlaw

Ni John Barrios

I.

Sa pagbugtaw it adlaw katueog pa ro mga tawo, nadaea nanda sa andang mga damgo ro eupok it lebentador, ag natulig ro andang paeamatian, ag nagsueod ro indi masaligan nga kadodoeman.

Ginliso ko ro lisuan it gas range ag akong nabatian ro pagsantik it kaeayo; mangan-angan, sa akong huna-huna, ro tubi nga nagbukae hay sarang eon ipanimpla it kape para pukawon ro akong naduyog nga panueok sa akong asawa nga nagahapa sa eogban, ag ro adlaw hay nagahibayag sa pagbag-o it akong panueok sa unang adlaw it rayang bag-ong dag-on.

II.

Maeamig ro agahong pilit ginapainit it kapeng Koreano; ginatinguhaan it ginseng nga patindugon ro maeuya nga mga tuhod (sa pagtindog eamang pwede nga igapasayod ro kinaaeam); ro humot it kape hay gapaeanutsot sa kaidadaeman it anang painuino, igto nana nakita ro masadyang mga hibayag it anang daywa ka unga nga kabii eang hay may ginbilin nga pabak-eon halin iya sa syudad nga nagakabuhi sa pag-igpat-igpat it mga iwag kung gabii ag kun adlaw hay gapanago sa kadamueon it maitom nga asu sa ibabaw it anang mga kalyehon.

III.

Bukon it manami ro anang tueog bangud sa pag-istorbo it anang kaibahan sa kuwarto; hamueaw-mueawan man ro adlaw sa ana nga pagbangon; ro hinilam-us nga tubi sa uyahon hay bukon it bastante para dueaon ro pang-istorbo it kaaganhon---ro init ag eamig nga naghalo sa sangag it kaeuskos it mga gadalidali nga mga tudlo sa pag-eagas it mga gadaeaeagan nga mga idea sa sueod it painuino; gani ginpakamayad eon lang nana nga hibaygan ro adlaw paagi sa pagtimpla it mahumot nga kape; makarong agahon kinahang-ean nana nga sukubon ro mga hangaway it katamaron.

*****

RN Cichon

8 hours ago

Boracay

Maea-ea ang kaeawasan,
sa tinikang sa kabaeasan,
daea ro mga baeakintoeon
halin sa Station I hasta sa Caticlan.

May eukos, sugpo ag preskang bantaeaang saeabawan,
sa 'd Talipapa mo daya makit-an,
gaturo ka eang, bayran ag anda ka dayong eahaan,

manami magka-on eabi gid kung abo ro imong kaibahan.

Nadumduman ko anay ro Boracay,
bente-singko anyos eon ro nakataliwan,
owa pa it kuryente o mga hotel nga ro bayad haeos bueawan,
Masadya man kato bisan kingki ag butong ro eugban, tuba ro iemnun ag pinamunitan ro sumsuman,
Ea-in makaron nga kilaea eon rayang baybay sa kabihasnan, tanan ginabakae bisan katumbae sa tindahan.

Ro akon malang nga ginapangamuyo,
nga ro Boracay atong ha-eungan,
bilang pumueoyo it Aklan o manug-istar sa ibabaw it kalibutan,
aton ra, gugma it Aklan para sa tanan!

— with Melchor Cichon.