RN Cichon Poems

RN Cichon
(for editing)

Boracay

Maea-ea ang kaeawasan
sa pagtinikang sa kabaeasan,
daea ro mga baeakintoeon
halin sa Station 1 hasta sa Caticlan.

May eukos, sugpo ag preskang bantaeaang saeabawan,
sa 'd Talipapa mo daya makit-an,
gaturo ka eang, bayran ag anda ka dayong eahaan,

manami magka-on eabi gid kung abo ro imong kaibahan.

Nadumduman ko anay ro Boracay,
bente-singko anyos eon ro nakataliwan,
owa pa it kuryente o mga hotel nga ro bayad haeos bueawan,
Masadya man kato bisan kingki ag butong ro eugban, tuba ro iemnun ag pinamunitan ro sumsuman,
Ea-in makaron nga kilaea eon rayang baybay sa kabihasnan, tanan ginabakae bisan katumbae sa tindahan.

Ro akon malang nga ginapangamuyo,
nga ro Boracay atong ha-eungan,
bilang pumueoyo it Aklan o manug-istar sa ibabaw it kalibutan,
aton ra, gugma it Aklan para sa tanan!

— with Melchor Cichon.

*******
Boracay (Edited Version)

Maea-ea ang kaeawasan
sa tinikang sa kabaeasan,
daea ro mga baeakintoeon
halin sa Station I hasta sa Caticlan.

May eukos, sugpo ag maya-mayang isdang saeabawan
sa 'D Talipapa mo daya makit-an;
gaturo ka eang, bayran ag anda ka dayong eahaan.
Masadya magkaon- eabi gid kon abo ro imong kaibahan,

Nadumduman ko anay ro Boracay,
bente-singko anyos eon ro nakataliwan,
owa pa it kuryente o mga hotel nga ro bayad haeos bueawan,
Masadya man kato bisan kingki ag butong ro eugban, tuba ro iemnun ag pinamunitan ro sumsuman,
Ea-in makaron nga kilaea eon rayang baybay sa kabihasnan, tanan ginabakae bisan katumbae sa tindahan.